अमेरिकामा साकेला उधौंलीको समापन संगै- ज्येष्ठ नागरिकको सम्मान

मुक्ति नारायण राई - किरात राई हरुको संस्था युनाईटेड किरात राई अर्गनैजेसन अफ अमेरिकाले न्यू ह्याम्पशायर राज्यमा हालै धूमधामले साकेला गरी किरात राई हरुको महान चाड उधौंली संपन्न गरेका छन। उक्त अवसरमा संभवत: राई हरुको ज्येष्ठ नागरिक ११० बर्सको काशी राम राईलाइ सम्मान गरिएको थियो।
अर्गनैजेसनका सभापति शिब कुमार राईले नव बर्स २०१० र किरात येले संवत ५०७० को उपलक्षमा सम्पूर्ण नेपालीहरुलाई शुभकामना ब्यक्त गर्नु हुँदै पुर्खा काशी राम राई जीवित भगवानको रूपमा हुनु हुन्छ भन्ने कुरा ब्यक्त गर्नु भयो। पूर्वी ३ न ओखलढुंगा चौराशमा जन्म भई भूटानमा बसोबाश गरी हालै अमेरिका आउनु भएका कांशीराम राईले बिभिन्न महानुभाव हरुलाई प्रमाण पत्र र आशीर्वाद दिनु भएको थियो । अर्गनैजेसनका बोर्ड मेम्बर धौल बीर राई ,न्यू इंलैंड लोकल चाप्टर का सभापति श्याम कुमारी राईले आफ्नो मन्तब्य ब्यक्त गर्दै आमंत्रित तथा हल उपलब्ध गराउने स्थानीय यूनीटारिएयन युनिभर्सल चर्चलाइ धन्यवाद ज्ञापन गर्नु भएको थियो। बिभिन्न कलाकार हरुले नृत्य,प्रहसन गीत प्रस्तुत गरी कार्यक्रम लाई रोचक बनाइएको थियो,भने प्रबीना राई ,दर्पण किरात ,बिबेक राई र अक्षता राई लगाएतका ले साकेला नृत्य प्रस्तुत गरेर कार्यक्रमको समापन गर्नु भएको थियो।


मुक्ति नारायण राई --न्युह्याम्प्शाएर बाट