किरात राज्य खोटाङमा हुनुपर्छ - सर्वसाधारण

News by- Dinesh Badhu | From- Kathmandu | Feb 23, 2010

डिसीनेपाल डटकम संवाददाता - राज्य पुनःसंरचना आयोगले किरात राज्यको राजधानी उदयपुर जिल्लाको गाईघाट बजारमा बनाउने निर्णय गरेको भन्दै खोटाङका नागरिकहरुले आपत्ति जनाएका छन् । समाजसेवी तथा मनमाया राई खानीडाँडा विमानस्थल निर्माण उपभोक्ता समितिका अध्यक्ष दुर्गाप्रसाद घिमिरेले किरात राज्यको राजधानी खोटाङको सदरमुकाम दिक्तेल बजारलाई बनाउनुपर्ने माग गर्नुभएको छ ।

एकीकृत नेकपा माओवादीले प्रस्ताव गरेको किरात राज्यलाई नै मान्दा कुनै फरक नपर्ने बताउँदै उहाँले खोटाङ किराती इतिहाँस बोकेको जिल्ला भएको बताउनुभयो । उदयपुरको गाईघाट बजारमा राजधानी बनाउने चर्चा संसदमा चलेको भन्दै समाजसेवी घिमिरेले आज खोटाङमा पत्रकार सम्मेलन गर्दै किरात राज्यको राजधानी खोटाङ हुनुपर्ने बताउनुभएको हो । खोटाङ सदरमुकाम दिक्तेलमा राज्यको राजधानी बनाउन उचित भएको भन्दै राज्यलाई दवाव दिन भन्दै पत्रकार सम्मेलन गर्नुभएको सो अवसरमा जानकारी गराईयो ।

पूर्वको उदयपुर ओखलढुङ्गा संखुवासभा सोलुखुम्वु भोजपुर जिल्लाको पायक पर्ने ठाउँ खोटाङ भएकाले राज्यको राजधानी खोटाङ हुनुपर्ने उहाँले माग गर्नुभएको हो । विकास क्षेत्रमा पछि परेको जिल्ला खोटाङ भएको भन्दै उहाँले पर्यटकीय स्थलहरु हलेशी ट्याम्के वराहापोखरी रुपाकोट मझुवाको गुफा खाल्ले गाविसको गुफा आदि स्थानहरु साथै वाह्रै महिना साचालन हुने खानिडाँडा विमानस्थल थामखर्क विमानस्थल लामिडाँडा विमानस्थल रहेको सरकारी तथा गैर सरकारी भवनहरु प्रशस्त्र बनिसकेको शहरिकरणको लागि प्रशस्त खालि जग्गा जमिन भएकाले किरात राज्यको राजधानी दिक्तेल उपयुक्त हुने बताउनुभयो ।

त्यस्तै पुरानो ईतिहाँस अनुसार खोटाङ जिल्ला माझ किरातको नामले चिनिएको साथै तराईबाट कोशी गड्तीर हुदै साप्सु किनारबाट सदरमुकाम दिक्तेल आउन नजिक भएकाले राज्यलाई दवाव स्वरुप पत्रकार सम्मेलनको आयोजना गरिएको उहाँले बताउनुभयो ।

राई रमेश गाउँले, खोटाङ



dc nepal.com